Ака уйăхĕн 25-мĕшĕнче Чăваш Енĕн Ĕç çыннин çулталăкне тата Чăваш чĕлхи кунне халалласа «Пĕтĕм чăваш диктанчĕ – 2016» акци иртрĕ. Çак акцие пирĕн шкулти вĕрентекенсемпе вĕренекенсем те хутшăнчĕç. Шкулти чăваш чĕлхипе литературăн методика пĕрлешĕвĕн ертÿçи Ефимова В.П. пуçтарăннă хăнасене Чăваш чĕлхи кунĕн ячĕпе саламларĕ, ăнăçу сунчĕ. Диктант текстне А. Артемьевăн „Çăкăр хакĕ” повеçĕнчен илнĕ. Пурте диктанта тăрăшса çырчĕç.